عايزة اجرى و العب
عايزة ارجع تانى طفلة
و العب بشقاوة و من غير حساب
عايزة انطلق من كل حاجه
عايزة اطير و ارفرف فى الهواء
عايزة اعيش بحرية
نفسى اعيش فى طفولتى تانى
طفلة بريئة متعرفش حاجه عن المسؤلية
العب و اجرى و لا يهمنى حد
و جدتى تنادى عليا عشان اهدى اللعب
و اقعد هادية عشان الناس اللى تحت
عمر للى تحت ما اشتكو عشان عارفين انى طفلة صغنونة
لكن دلوقتى اختلف الحال
لا للى تحت موجودين و لا جدتى موجودة
و لا اللعب و لا الشقاوة
راح الزمن الجميل و راحت معاه الشقاوة و اللعب و التنطيط
هناك 4 تعليقات:
اول مره ادخل عندك الاقي نفسي اول تعليق حظي كدا المهم لو لقيتي حل نرجع كلنا اطفال قوليلي لأن الواحد لما بيكبر بتزيد عليه الضغوط مش اللعب بس دي حاجات كتير قوي قوي.
هى امنية مستحيلة بس ممكن ترجعلك بصورة احلى ان شاء الله لما تبقى ام هتعيشى احلى طفولة مع ولادك ربنا يرزقنا ويرزقك الذرية الصالحة
======================
ممكن تشيلى تاكيد الكلمة حين ارسال التعليق
السلام عليكم....
ليه اليئس ده يبنتى مين الى قال ان الوحده لما بتكبر خلاص كدا مبتكنش طفله
انا بقابل بنات كتير احسسهم وكلمتهم ودحكتهم زى الاطفال وعيشين ايام طفوله بجد ومنفضين لسنهم حتى لو عديتى الاربعين عام كفايا تشوفى اولادك حوليكى هما دول طفولتك هما دول مريتك القديمه لو مخطوبه
فيها ايه لو تدلعى على خطيبك او جوزك اكنك طفله وفى رجاله بيحبو الصفات دى فى البنت واولهم انا
اتمنا تعليقى يعجبك دى اول زياره ومش الاخيره اتمنا ترديها وتزورى مدونتى
واحد بيدور على قلبه
نورت المدونة و ان شاء الله متكنش اخر مرة
للاسف مافيش حل نرجع اطفال تانى لان دى سنه الحياة
و بالنسبة لضغوط الحياة ليه حل باجازة جميلة و مريحة تغير فيها جو
**************************
موناليزا
فعلا هى ممكن ترجع بصورة احلى مع اولادى ان شاء الله
ربنا يرزقنا و يرزقك ان شاء الله الذرية الصالحة
************************
ادم المصرى
ده مش يأس ده احساس بالواقع
لانى واثقة ان رحمة ربنا واسعة
سهل اكون منفضة دماغى
و بضحك و لا على بالى اى حاجه
بس للاسف مش بحب الحياة كده
ساعات كثير بحس انى عايشه طفولتى
بس اتمنى اعيشها بجد زى زمان بمنتهى البراءة و عدم الاحساس بالمسئولية
--
اتمنى متكنش الزيارة الاخيرة و ا ن شاء الله ازور مدونتك
إرسال تعليق